28- مئی پاکستان کے ناقابلِ تسخیر دفاع کی ضمانت ہے' یومِ تکبیر پر صدر آصف علی زرداری کا پیغام

صدرِ مملکت آصف علی زرداری نے یومِ تکبیر کے تاریخی موقع پر قوم کے نام اپنے خصوصی پیغام میں کہا ہے کہ 28 مئی کا دن ملکی آزادی، خود مختاری اور ناقابلِ تسخیر دفاع کا سنگِ میل ہے۔ ایوانِ صدر سے جاری کردہ پریس ریلیز کے مطابق، صدرِ مملکت نے 1998 میں چاغی کے پہاڑوں میں کیے گئے کامیاب ایٹمی دھماکوں کو یاد کرتے ہوئے کہا کہ اس اقدام نے جنوبی ایشیا میں اسٹرٹیجک توازن قائم کیا اور پاکستان کو دنیا کی ساتویں ایٹمی طاقت بنا دیا۔

ایٹمی پروگرام کی بنیاد اور تاریخی پس منظر

صدر زرداری نے پاکستان کے ایٹمی سفر کی تاریخ پر روشنی ڈالتے ہوئے کہا کہ پاکستان نے یہ راستہ شوق سے نہیں بلکہ مجبوری میں اختیار کیا۔ 1971 میں بھارتی مداخلت کے بعد جب بھارت نے 1974 میں پوکھران کے مقام پر اپنا پہلا ایٹمی تجربہ کیا، تو شہید ذوالفقار علی بھٹو نے ملک کے دفاع کے لیے اس پروگرام کی بنیاد رکھی۔ یہ دراصل بھارت کی ایٹمی بلیک میلنگ کا منہ توڑ جواب تھا۔ انہوں نے کڑے بین الاقوامی دباؤ، پابندیوں اور دھمکیوں کے باوجود اس قومی امانت کو آگے بڑھانے والی تمام سابقہ حکومتوں، سائنسدانوں، انجینئرز اور مسلح افواج کو زبردست خراجِ تحسین پیش کیا۔

ان کا کہنا تھا کہ مئی 1998 میں بھارت کے مزید ایٹمی تجربات نے ملک کی بقا کے لیے شدید خطرہ پیدا کیا، لیکن اس وقت کی سیاسی اور عسکری قیادت نے عوامی امنگوں کے مطابق جرات مندانہ فیصلہ کر کے خطے میں طاقت کا توازن ہمیشہ کے لیے بحال کر دیا۔

جدید ٹیکنالوجی اور آپریشن 'بنیان مرصوص' کا تذکرہ

مستقبل کی جنگوں کا ذکر کرتے ہوئے صدر مملکت نے واضح کیا کہ اب جنگیں ملٹی ڈومین آپریشنز پر مشتمل ہوں گی جہاں ایٹمی دفاع کے ساتھ ساتھ سائبر وارفیئر، آرٹیفیشل انٹیلیجنس اور ڈرون ٹیکنالوجی کلیدی کردار ادا کریں گی۔ انہوں نے اس بات پر اطمینان کا اظہار کیا کہ پاکستان کی مسلح افواج ان تمام جدید میدانوں میں خود کو تیار کر چکی ہیں۔ انہوں نے یاد دلایا کہ پاکستان ایک امن پسند ملک ہے، لیکن اقوامِ متحدہ کے چارٹر کے تحت اپنے دفاع کا پورا حق رکھتا ہے، جیسا کہ گزشتہ برس آپریشن 'بنیانٌ مرصوص' کے ذریعے بھارتی جارحیت کا تباہ کن جواب دے کر ثابت کیا گیا تھا۔

صدر آصف علی زرداری نے اس عزم کا اعادہ کیا کہ دشمن کسی بھی غلط فہمی میں نہ رہے؛ مادرِ وطن کے دفاع کے لیے پوری قوم متحد ہے اور کسی بھی جارحیت کا فوری اور بھرپور جواب دیا جائے گا۔

⬇️ Click to Read this Article in English

Youm-e-Takbeer: President Zardari Vows to Defend Pakistan’s Sovereignty

---

President Asif Ali Zardari extended warm greetings to the nation on Youm-e-Takbeer, describing May 28 as a historic milestone that guaranteed Pakistan's regional sovereignty. He emphasized that the successful nuclear tests conducted in Chagai in 1998 successfully restored the strategic balance of power in South Asia, establishing Pakistan as the world's 7th nuclear state.

Historical Context and Tributes to Pioneers

The President detailed the historical background, noting that the nuclear program—initiated by Shaheed Zulfikar Ali Bhutto—was a direct response to India's regional nuclear blackmail following its 1974 Pokhran tests. President Zardari paid rich tributes to the dedicated scientists, engineers, and armed forces who steadfastly advanced the strategic program despite immense international sanctions, political pressure, and economic challenges over the decades.

Modern Warfare and Operation Bunyan-e-Marsoos

Highlighting future defense frameworks, President Zardari noted that modern conflicts involve multi-domain operations utilizing Cyber Warfare, Artificial Intelligence, and advanced drone assets. He expressed confidence in the armed forces' technical adaptation, referencing the resounding success of Operation Bunyan-e-Marsoos against foreign aggression as a testament to Pakistan's structural readiness and defensive resolve.

The President concluded with a stern warning to hostile elements, reiterating that while Pakistan remains a peace-loving nation, any external aggression will be met with an immediate, overwhelming, and devastating response.