سچن ٹینڈولکر کا ریکارڈ خطرے میں؛ آئی پی ایل کے 15 سالہ ہیرو ویبھو سوریا ونشی کو بھارتی ٹیم میں شامل کر لیا گیا

بھارتی کرکٹ بورڈ نے دنیا کو حیران کرتے ہوئے انڈین پریمیئر لیگ (آئی پی ایل) میں دھوم مچانے والے 15 سالہ اوپنر ویبھو سوریا ونشی کو انگلینڈ اور آئرلینڈ کے خلاف شیڈول آئندہ ٹی ٹوئنٹی سیریز کے لیے پہلی بار سینیئر بھارتی اسکواڈ میں شامل کر لیا ہے۔ نوجوان بلے باز نے آئی پی ایل میں راجستھان رائلز کی نمائندگی کرتے ہوئے 237.30 کے ناقابلِ یقین اسٹرائیک ریٹ سے 776 رنز بنائے اور ٹورنامنٹ کے سب سے قیمتی کھلاڑی (MVP) کا ایوارڈ بھی اپنے نام کیا۔

سچن ٹینڈولکر کا 37 سال پرانا ریکارڈ ٹوٹنے کے قریب

اگر ویبھو سوریا ونشی کو اس دورے کے دوران ڈیبیو کرنے کا موقع ملتا ہے، تو وہ بھارت کی تاریخ کے سب سے کم عمر ترین بین الاقوامی کرکٹر بن جائیں گے۔ وہ کرکٹ کے لیجنڈ سچن ٹینڈولکر کا ریکارڈ توڑ دیں گے، جنہوں نے 1989 میں پاکستان کے خلاف ٹیسٹ میچ میں 16 سال اور 205 دن کی عمر میں اپنا ڈیبیو کیا تھا۔ ویبھو اس سے قبل انڈر 19 ورلڈ کپ کے فائنل میں انگلینڈ کے خلاف 175 رنز کی شاندار اننگز کھیل کر اپنی ٹیم کو چیمپئن بھی بنوا چکے ہیں۔

بھارتی ٹیم کا دورہ آئرلینڈ 26 جون سے بیلفاسٹ میں شروع ہوگا، جس کے بعد یکم جولائی سے 11 جولائی تک انگلینڈ کے خلاف 5 ٹی ٹوئنٹی میچوں کی سیریز کھیلی جائے گی۔ اس سیریز میں ویبھو کا سامنا راجستھان رائلز میں ان کے ساتھی فاسٹ بولر جوفرا آرچر سے بھی ہو سکتا ہے۔

سوریا کمار یادو ڈراپ، شریاس آئیر کپتان مقرر

اسکواڈ میں کچھ اور حیران کن تبدیلیاں بھی دیکھنے میں آئی ہیں جن کی تفصیلات درج ذیل ہیں:

• شریاس آئیر نئے کپتان: ان دونوں دوروں کے لیے بھارتی ٹیم کی قیادت شریاس آئیر کو سونپی گئی ہے۔
• سوریا کمار یادو ٹیم سے باہر: حال ہی میں ٹی ٹوئنٹی ورلڈ کپ جتوانے والے کپتان سوریا کمار یادو کو آئی پی ایل میں خراب فارم کی وجہ سے اسکواڈ سے ڈراپ کر دیا گیا ہے۔
• بمراہ اور ہاردک پانڈیا کو آرام: اسٹار فاسٹ بولر جسپریت بمراہ اور آل راؤنڈر ہاردک پانڈیا کو آرام دیا گیا ہے، جبکہ ان کی جگہ نوجوان کمنگ فاسٹ بولر پرنس یادو کو پہلی بار موقع ملا ہے۔

دنیا بھر کے کرکٹ شائقین کی نظریں اب 15 سالہ ویبھو پر ٹکی ہیں کہ آیا وہ انٹرنیشنل کرکٹ میں بھی آئی پی ایل جیسی جارحانہ کارکردگی دہرا پاتے ہیں یا نہیں۔

⬇️ Click to Read this Article in English

India’s 15-Year-Old IPL Sensation Vaibhav Sooryavanshi Called Up for England & Ireland T20s

---

NEW DELHI: 15-year-old batting prodigy Vaibhav Sooryavanshi has earned his maiden call-up to India's senior T20 squad for the upcoming tours of Ireland and England. The Rajasthan Royals opener earned this spot after a blockbuster IPL season, where he smashed 776 runs at an unbelievable strike rate of 237.30, winning the MVP award.

Eclipsing Sachin Tendulkar's Historic Record

If Sooryavanshi makes his debut on this tour, he will become India's youngest-ever international debutant, breaking Sachin Tendulkar's 37-year-old record (16 years, 205 days). In additional major updates, Shreyas Iyer will captain the squad, replacing Suryakumar Yadav, who has been dropped due to poor IPL form. Ace paceman Jasprit Bumrah and Hardik Pandya have been rested, making way for uncapped fast bowler Prince Yadav.