بجٹ تجاویز؛ سرامک ٹائلز اور شیشے کی درآمد پر ڈیوٹی کم کرنے سے مقامی صنعتیں بند ہونے کا خدشہ

اسلام آباد: پاکستان کی سیرامک ٹائلز اور شیشہ سازی (گلاس) کی صنعتوں نے نیشنل ٹیرف پالیسی 2025-30 کے تحت درآمدی ڈیوٹیز میں مزید کمی کی تجاویز پر شدید تحفظات کا اظہار کیا ہے۔ دونوں شعبوں کی نمائندہ ایسوسی ایشنز نے خبردار کیا ہے کہ اگر بجٹ میں مقامی صنعت کو مناسب تحفظ فراہم نہ کیا گیا تو یہ شعبے مکمل طور پر بندش کے خطرے سے دوچار ہو جائیں گے۔ اس سلسلے میں مینوفیکچررز نے وزیراعظم کے معاون خصوصی برائے صنعت و پیداوار ہارون اختر خان کو ہنگامی خطوط بھی لکھ دیے ہیں۔

معاشی بحران اور انڈسٹری کی 50 فیصد بندش

آل پاکستان سرامک ٹائلز مینوفیکچررز ایسوسی ایشن اور پاکستان گلاس مینوفیکچررز ایسوسی ایشن کی جانب سے لکھے گئے خطوط میں انکشاف کیا گیا ہے کہ موجودہ معاشی حالات، توانائی کے بحران اور پالیسی مسائل کے باعث دونوں صنعتیں پہلے ہی شدید دباؤ کا شکار ہیں۔ یہ انڈسٹریز اس وقت اپنی مجموعی پیداواری صلاحیت کے صرف 50 فیصد پر کام کر رہی ہیں، جبکہ باقی 50 فیصد پیداواری یونٹس پہلے ہی بند ہو چکے ہیں۔

سرامک اور گلاس انڈسٹری کے سربراہان کا مؤقف

صنعتی رہنماؤں کا کہنا ہے کہ درآمدی ڈیوٹی میں رعایت دینے سے ملکی معیشت اور روزگار کو ناقابلِ تلافی نقصان پہنچے گا، جس کی تفصیلات درج ذیل ہیں:

• ٹائلز انڈسٹری کا تحفظہ: سرامک ٹائلز صنعت کے سیکریٹری جنرل عاطف اقبال نے مؤقف اختیار کیا کہ ڈیوٹیز میں مزید کمی سے بیرونی ممالک سے سستی ٹائلز کی بھرمار ہو جائے گی، جس کا مقابلہ کرنا مقامی مینوفیکچررز کے لیے ممکن نہیں رہے گا اور بڑے پیمانے پر بے روزگاری پھیلے گی۔
• گلاس انڈسٹری کا دباؤ: پاکستان گلاس مینوفیکچررز ایسوسی ایشن کے سیکریٹری جنرل داؤد الرشید نے کہا کہ شیشے کی درآمد پر ڈیوٹی گھٹانے سے مقامی گلاس انڈسٹری شدید دباؤ کا شکار ہو جائے گی اور نئی مقامی سرمایہ کاری یکسر رک جائے گی۔
• حکومت سے ہنگامی اپیل: دونوں ایسوسی ایشنز نے حکومت سے مطالبہ کیا ہے کہ نیشنل ٹیرف پالیسی کے تحت مقامی کارخانوں کو تحفظ فراہم کیا جائے تاکہ لاکھوں مزدوروں کا چولہا جلتا رہے۔

صنعت کاروں کا کہنا ہے کہ ایک ایسے وقت میں جب ملکی معیشت کو ڈالر بچانے اور مقامی پیداوار بڑھانے کی ضرورت ہے، درآمدی مصنوعات کو سہولت دینا سمجھ سے باہر ہے۔

⬇️ Click to Read this Article in English

Budget Proposals: Ceramic Tiles and Glass Industries Face Closure Over Import Duty Cuts

---

ISLAMABAD: Pakistan’s ceramic tiles and glass manufacturing industries have raised serious concerns over the proposed reduction in import duties under the National Tariff Policy 2025-30. The respective associations have written letters to Haroon Akhtar Khan, the Special Assistant to the Prime Minister on Industries and Production, warning that further duty cuts could completely collapse the local manufacturing sectors.

50% of Manufacturing Units Already Shutdown

According to the All Pakistan Ceramic Tiles Manufacturers Association and the Pakistan Glass Manufacturers Association, the industries are already operating at only 50% of their total production capacity due to prevailing economic challenges and policy constraints, while the remaining 50% of units have already closed down.

Industry Leaders Warn of Mass Unemployment

Atif Iqbal, Secretary General of the Ceramic Tiles Industry, emphasized that lowering duties would trigger an influx of cheap imported tiles, making it impossible for local industries to compete. Concurrently, Dawood Arshad, Secretary General of the Pakistan Glass Manufacturers Association, stated that the glass industry is under immense pressure and further import relaxations would heavily damage local investment, employment, and the overall national economy.