ڈیجیٹل پنجاب کی جانب بڑا قدم؛ پبلک ٹرانسپورٹ کے لیے "سی ایم پنجاب کیو آر پینک بٹن سسٹم" متعارف

پنجاب کے شہریوں کے تحفظ اور پبلک ٹرانسپورٹ کو محفوظ، جدید اور قابلِ اعتماد بنانے کے لیے پنجاب سیف سٹیز اتھارٹی نے ایک انقلابی اقدام اٹھایا ہے۔ وزیراعلیٰ پنجاب مریم نواز کے ڈیجیٹل پنجاب ویژن کے تحت "سی ایم پنجاب QR پینک بٹن سسٹم" باقاعدہ طور پر متعارف کرا دیا گیا ہے۔ یہ جدید نظام صوبے بھر کی پبلک ٹرانسپورٹ کو سیف سٹی کے ڈیجیٹل سیفٹی نیٹ ورک سے براہِ راست منسلک کر دے گا۔

بغیر کسی اضافی مالی بوجھ کے اِن ہاؤس تیاری اور 12 اہم فیچرز

پنجاب سیف سٹیز اتھارٹی کے مطابق یہ سسٹم صوبے بھر کی بسوں، ویگنوں، رکشوں، ٹیکسیوں اور دیگر پبلک ٹرانسپورٹ گاڑیوں میں نصب کیا جائے گا۔ خاص بات یہ ہے کہ اتھارٹی نے حکومت پر کسی بھی قسم کا اضافی مالی بوجھ ڈالے بغیر یہ پورا نظام اِن ہاؤس (In-house) خود تیار کیا ہے۔ یہ کیو آر پینک بٹن پبلک سیفٹی ایپ اور پنجاب سیف سٹیز اتھارٹی کے ذریعے گھر بیٹھے بالکل مفت حاصل کیا جا سکتا ہے۔

اس جدید سسٹم میں مسافروں کے تحفظ کے لیے 12 انتہائی اہم فیچرز شامل کیے گئے ہیں، جن میں لائیو کال، ویڈیو کال، لائیو چیٹ، لوکیشن شیئرنگ، گاڑی کی تصدیق اور فوری پولیس رسپانس شامل ہیں۔ مسافر سفر کے آغاز پر ہی اس کیو آر کوڈ کو اسکین کر کے گاڑی، اس کے مالک اور ڈرائیور کی تصدیق شدہ معلومات حاصل کر سکیں گے، اور یہ تفصیلات اپنے اہل خانہ کے ساتھ بھی شیئر کر پائیں گے۔

ہنگامی صورتحال میں 15 پر فوری رابطہ اور پولیس رسپانس

کسی بھی ہنگامی یا غیر محفوظ صورتحال کی صورت میں یہ سسٹم شہریوں اور ڈرائیورز دونوں کے لیے لائف لائن ثابت ہوگا:

• فوری کنٹرول روم رابطہ: ہنگامی حالت میں مسافر کی لائیو لوکیشن اور گاڑی کا ڈیٹا فوری طور پر سیف سٹی کنٹرول روم کو منتقل ہو جائے گا۔
• ڈرائیورز کے لیے تحفظ: مسافروں کے ساتھ ساتھ ڈرائیورز بھی کسی ناگہانی آفت یا خطرے کی صورت میں اس بٹن کے ذریعے فوری پولیس مدد حاصل کر سکیں گے۔
• اسمارٹ سیکیورٹی: گاڑی کی ملکیت تبدیل ہونے پر پرانا کیو آر کوڈ خود بخود غیر فعال ہو جائے گا اور نئے مالک کے ریکارڈ کے بعد ہی نیا کوڈ جاری ہوگا۔

آئی جی پنجاب عبدالکریم اور ایم ڈی پنجاب سیف سٹیز اتھارٹی احسن یونس کا کہنا ہے کہ یہ اسمارٹ ٹیکنالوجی خواتین، بزرگوں اور طلبہ سمیت روزانہ سفر کرنے والے لاکھوں شہریوں کے تحفظ میں گیم چینجر ثابت ہوگی اور پنجاب بھر کی پبلک ٹرانسپورٹ کو ایک ڈیجیٹل سیفٹی نیٹ ورک میں بدل دے گی۔

پنجاب حکومت کا یہ ڈیجیٹل اقدام صوبے میں اسمارٹ پولیسنگ اور پبلک سیفٹی کی تاریخ میں ایک سنگِ میل کی حیثیت رکھتا ہے۔

⬇️ Click to Read this Article in English

CM Punjab QR Panic Button System Launched for Public Transport Safety

---

LAHORE: Under the "Digital Punjab" vision of Chief Minister Maryam Nawaz, the Punjab Safe Cities Authority (PSCA) has launched the revolutionary "CM Punjab QR Panic Button System" to ensure the safety of commuters. This in-house developed digital network connects all public transport vehicles—including buses, rickshaws, and taxis—directly to the Safe City command center without any extra financial burden on the national exchequer.

12 Advanced Safety Features for Commuters

The system integrates 12 crucial security features, including live location sharing, video calling, real-time chat, and instant vehicle verification. Commuters can scan the QR code upon entering a vehicle to verify driver and owner details, which can also be instantly shared with family members. Available for free via the Public Safety App, the tool ensures an immediate 15 emergency response by transmitting live data to the control room during crises.

Enhanced Protection for Drivers and Citizens

IG Punjab Abdul Karim and MD Safe Cities Ahsan Younas highlighted that this smart technology will act as a major shield for women, students, and elderly citizens, transforming Punjab's public transport into a highly secure, digitally monitored network.