برطانیہ میں بڑا سیاسی بھونچال؛ وزیرِ دفاع جان ہیلی کا وزیراعظم اسٹارمر پر سنگین الزامات کے ساتھ استعفیٰ

برطانیہ کی سیاست سے اس وقت کی سب سے بڑی اور سنسنی خیز خبر سامنے آئی ہے۔ برطانوی وزیرِ دفاع جان ہیلی نے وزیراعظم کیر اسٹارمر کی دفاعی پالیسیوں اور فنڈز کی کٹوتی کے خلاف احتجاجاً اپنے عہدے سے استعفیٰ دے دیا ہے۔ اپنے الوداعی خط میں انہوں نے وزیراعظم اور چانسلر پر انتہائی سنگین الزامات عائد کرتے ہوئے کہا ہے کہ ان کے فیصلوں نے ملک کو "پہلے سے کہیں زیادہ غیر محفوظ" بنا دیا ہے۔ اس ہائی پروفائل استعفے نے لیبر پارٹی کی حکومت کو ہلا کر رکھ دیا ہے۔

"چانسلر ناامید اور وزیراعظم نااہل ہیں"

جان ہیلی کا یہ استعفیٰ محض ایک عام رخصتی نہیں بلکہ اصولوں کی جنگ بن چکا ہے۔ خط کے سب سے دھماکہ خیز جملے میں انہوں نے برطانوی چانسلر کو دفاعی بجٹ دینے کے معاملے میں "امید سے عاری" اور وزیراعظم کیر اسٹارمر کو اپنے ہی کابینہ ارکان پر کنٹرول رکھنے میں "نااہل" قرار دیا ہے۔ دفاعی ماہرین کے مطابق، یہ خط برطانوی حکومت کے اندرونی انتشار اور مالیاتی مینجمنٹ کی ناکامی کا منہ بولتا ثبوت ہے۔

رپورٹ کے مطابق، برطانوی فوج پہلے ہی فنڈز کی کمی اور خالی گوداموں کے سنگین مسائل سے دوچار ہے۔ ایسے نازک وقت میں جب مشرقِ وسطیٰ اور یوکرین کی جنگیں عروج پر ہیں، اور روس و چین کی طرف سے خطرات بڑھ رہے ہیں، دفاعی بجٹ میں اربوں پاؤنڈز کی کٹوتی نے فوج اور حکومت کے مابین خلیج کو مزید گہرا کر دیا ہے۔ جان ہیلی کو پیر کی صبح بجٹ کی جو فائنل سمز (رقم) دکھائی گئیں، وہ ان کی توقعات سے اربوں پاؤنڈز کم تھیں۔

وزیراعظم کیر اسٹارمر کا مستقبل خطرے میں

اس استعفے کے بعد لیبر پارٹی کے اندرونی حلقوں میں وزیراعظم کیر اسٹارمر کی قیادت پر شدید سوالات اٹھنا شروع ہو گئے ہیں:

• قومی سلامتی کا نقصان: وہ ارکانِ پارلیمنٹ جو کیر اسٹارمر کو قومی سلامتی کے لیے ایک بہترین لیڈر سمجھتے تھے، اب ان کا یہ بھرم بھی ٹوٹ چکا ہے۔
• اینڈی برنہم کی واپسی کی امیدیں: لیبر پارٹی کے متعدد ارکانِ پارلیمنٹ نے اب اپنے سیاسی مستقبل اور امیدوں کا مرکز مینڈ فیلڈ کے اینڈ برنہم کو بنانا شروع کر دیا ہے، جن کی لندن واپسی کی بازگشت تیز ہو گئی ہے۔
• بجٹ کا بحران: چانسلر کی جانب سے ٹیکسوں کے وعدوں اور اسکولوں و ہسپتالوں کے فنڈز کو بچانے کے چکر میں ملکی دفاع کو قربان کرنے پر شدید غم و غصہ پایا جاتا ہے۔

عالمی جنگوں کے اس دور میں برطانوی وزیرِ دفاع کا یہ استعفیٰ کیر اسٹارمر حکومت کے خاتمے یا پارٹی کے اندر بغاوت کا پیش خیمہ ثابت ہو سکتا ہے۔

⬇️ Click to Read this Article in English

UK Political Storm: Defense Secretary John Healey Resigns, Slams PM Starmer

---

LONDON: In a devastating blow to the Labour government, UK Defense Secretary John Healey has resigned from his post over principle. In a highly critical resignation letter, Healey accused Prime Minister Keir Starmer and the Chancellor of making the United Kingdom "less safe" amid rising global conflicts in Ukraine and the Middle East.

"Unwilling" Chancellor and "Unable" Prime Minister

Healey’s departure exposes deep-rooted dysfunction at the heart of Downing Street. He described the Chancellor as "unwilling" to fund defense and the Prime Minister as "unable" to lead. The resignation has triggered massive discontent among Labour MPs, with many now looking toward Andy Burnham as a potential alternative to Starmer's struggling leadership.